ભારત સરકાર દ્વારા આપવામાં આવેલી નેશનલ ગ્રીન હાઈડ્રોજન મિશનની મંજૂરીને પરિણામે લગભગ 6 લાખ લોકોને નોકરી મળવાની અપેક્ષાઓ રાખવામાં આવી રહી છે.
નેશનલ ગ્રીન હાઈડ્રોજન મિશન માટે 19,744 કરોડ રૂપિયા મંજૂર કરવામાં આવ્યા છે. જેના મારફતે 6 લાખ નોકરીઓ આપવામાં આવશે. ભારત સરકારના પ્રધાન અનુરાગ ઠાકુરે જણાવ્યું હતું કે 60-100 ગીગાવોટની ક્ષમતાનું ઈલેક્ટ્રોલાઈઝર તૈયાર કરવામાં આવશે. આ ઈલેક્ટ્રોલાઈઝરના ઉત્પાદન અને ગ્રીન હાઈડ્રોજનના ઉત્પાદન પર 17,490 કરોડ જેટલી પ્રોત્સાહક રકમ આપવામાં આવશે. ગ્રીન હાઈડ્રોજનનું હબ વિકસાવવા માટે 400 કરોડ રૂપિયાની જોગવાઈ કરવામાં આવી છે.
કેન્દ્ર સરકાર દ્વારા ગ્રીન હાઈડ્રોજન મિશનને આપવામાં આવેલી મંજૂરીને કારણે લાખો લોકોને રોજગારીની તક મળશે. વડાપ્રધાન મોદીના નેતૃત્વમાં તા. ૪, જાન્યુઆરીના રોજ મળેલી કેબિનેટની બેઠકમાં મહત્વના નિર્ણયો લેવામાં આવ્યા હતા. કેન્દ્રીય મંત્રી અનુરાગ ઠાકુરે જણાવ્યું કે નેશનલ ગ્રીન હાઈડ્રોજન મિશનને કારણે ભારત ગ્રીન હાઇડ્રોજનનું વૈશ્વિક હબ બનશે. દર વર્ષે 50 લાખ ટન ગ્રીન હાઇડ્રોજનનું ઉત્પાદન થવાણી સંભાવના છે. તેઓએ ઉમેર્યું હતું કે, 60-100 ગીગાવોટની ક્ષમતાનું ઈલેક્ટ્રોલાઈઝર તૈયાર કરવામાં આવશે. ઈલેક્ટ્રોલાઈઝરના ઉત્પાદન અને ગ્રીન હાઈડ્રોજનના ઉત્પાદન પર 17,490 કરોડની પ્રોત્સાહક રકમ આપવામાં આવનાર હોવાનું પણ તેઓએ જણાવ્યું હતું. ગ્રીન હાઈડ્રોજનનું હબ વિકસાવવા માટે ખાસ રૂ.400 કરોડની જોગવાઈ કરવામાં આવી છે.
કેન્દ્રીય મંત્રી અનુરાગ ઠાકુરે ઉમેર્યું હતું કે, નેશનલ ગ્રીન હાઈડ્રોજન મિશન માટે આજે 19,744 કરોડ રૂપિયા મંજૂર કરવામાં આવ્યા છે. આ મિશનથી 8 લાખ કરોડ રૂપિયાનું સીધું રોકાણ થવાણી આશા વ્યક્ત કરવામાં આવી હતી. આ મિશનથી 6 લાખ નોકરીઓ આપવામાં આવશે.
