ભારત સંચાર નિગમ લિમિટેડએ બ્રોડબેન્ડ ગ્રાહકોએ અલગ-અલગ ટીવી અને બ્રોડબેન્ડ કનેક્શન લેવાની જરૂર રહેશે નહીં. ચેનલની એક્ઝિટ લિસ્ટ હજુ સુધી કન્ફર્મ કરવામાં આવી નથી. પરંતુ, આવનારા સમયમાં કંપની તેના વિશે વધુ માહિતી શેર કરશે.આ માટે કંપનીએ સિટી ઓનલાઈન મીડિયા પ્રાઈવેટ લિમિટેડ સાથે ભાગીદારી કરી છે. આ સાથે, બ્રોડબેન્ડ કસ્ટમર્સને આઈપીટીવી સર્વિસ આપવામાં આવશે.ટેલિકોમ ટોકના અહેવાલ મુજબ, આઈપીટીવી સર્વિસ ઉલ્કા ટીવી બ્રાન્ડ હેઠળ પ્રોવાઇડ કરવામાં આવશે. આ બ્રાન્ડ સિટી ઓનલાઈન મીડિયા પ્રાઈવેટ લિમિટેડ હેઠળ આવે છે. નવી આઈપીટીવી સર્વિસમાં, કંપની 1000 થી વધુ ટીવી ચેનલો ઓફર કરશે.
તમને જણાવી દઈએ કે ઈન્ટરનેટ પ્રોટોકોલ ટેલિવિઝન એક ઓનલાઈન સર્વિસ છે. આ સાથે, યુઝર્સ તેમના ટીવી અથવા સ્માર્ટફોન પર કન્ટેન્ટ અને લાઇવ ટીવી સ્ટ્રીમ કરી શકે છે. બીએસએનએલના કિસ્સામાં, આ સર્વિસ ઉલ્કા ટીવી હેઠળ આપવામાં આવશે. આ માટે ઉલ્કા ટીવી એપ છે જેને ટીવી કે સ્માર્ટફોનમાં ડાઉનલોડ થઇ શકે છે.
ભારત સંચાર નિગમ લિમિટેડએ આ સર્વિસ માત્ર આંધ્ર પ્રદેશમાં જ શરૂ કરી છે. જો કે આગામી સમયમાં તેને અન્ય રાજ્યોમાં પણ રજૂ કરવામાં આવી શકે છે. BSNLના નવા અને જૂના બંને કસ્ટમર્સ આ સર્વિસનો લાભ લઈ શકે છે.આ સિવાય રિટેલર દ્વારા ઈન્ટરનેટ પ્રોટોકોલ ટેલિવિઝન સર્વિસ પણ આપવામાં આવશે.આ માટે યુઝર્સને ઓપ્શન આપવામાં આવશે. BSNL તેના કસ્ટમર્સને જાળવી રાખવાં તેમજ નવા કસ્ટમર્સને આકર્ષવા માટે આગામી દિવસોમાં નવી નવી યોજનાઓ પણ લાવવાની તૈયારી કરી રહ્યું છે.જેનાથી નવા કસ્ટમર્સ જોડાય.
