ફિઝિકલ લાઈફ અને વર્ચ્યુઅલ લાઈફ વચ્ચે આસમાન જમીનનું અંતર છે. તમે ફિઝિકલ લાઈફમાં કોઈ ગુનો કર્યો હોય અને એની સજા તમને મળે એ સ્વાભાવિક છે પણ, તમે ફિઝિકલ લાઈફમાં કોઈ ગુનો કર્યો ન હોય અને તમને એની સજા મળે તો કેવું લાગે.
આવો આજે આપણે જાણીએ કે વર્ચ્યુઅલ લાઈફમાં માત્ર સર્ચ કરવાથી પણ કેવી રીતે થઇ શકે છે સજા.
આપણે બધા જાણીએ છીએ કે ઇન્ટરનેટ કેટલું મહત્વનું છે. પરંતુ ઈન્ટરનેટ ક્યારેક ખતરનાક પણ સાબિત થઈ શકે છે. જો તમે ગૂગલનો ઉપયોગ કરો છો તો આજે અમે તમને કેટલીક એવી વસ્તુઓ વિશે જણાવી રહ્યા છીએ જેને તમારે ભૂલથી પણ સર્ચ ન કરવી જોઈએ.
- જો તમે ઇન્ટરનેટ ઉપર ગર્ભપાત વિશે સર્ચ કરી રહ્યાં છો તો તમે મુશ્કેલીમાં મુકાઈ શકો છો. આ ગેરકાયદેસર છે. આમ કરવાથી તમે મુશ્કેલીમાં મુકાઈ શકો છો. ગર્ભપાત સ્વાસ્થ્ય માટે પણ જોખમી છે.
- તમારે ઇન્ટરનેટ ઉપર પાઇરેટેડ ફિલ્મ જોવી કે તેના વિશે સર્ચ કરવા જેવા કામ ન કરવા જોઈએ. આ તમને મુશ્કેલીમાં મૂકી શકે છે. જો તમે આવા કોઈ કામમાં સંડોવાયેલા જણાય તો તમને 10 લાખ રૂપિયા સુધીનો દંડ થઈ શકે છે. તેમજ 3 વર્ષની જેલ થઈ શકે છે.
- તમે કોઈ બળાત્કારની પીડિતાનો ઓરિજનલ ફોટો google search કરો છો તો મુશ્કેલી ઉભી થઈ શકે છે. આ ખુબ સેન્સેટિવ ટોપિક હોય છે અને તમારે તે ન કરવું જોઈએ.
- જો તમે ઇન્ટરનેટ ઉપર બોમ્બ બનાવવાનો રસ્તો શોધી રહ્યા છો, તો તમારે જેલ જવું પડી શકે છે. માત્ર બોમ્બ જ નહીં પરંતુ હથિયાર બનાવવું પણ ખતરનાક સાબિત થઈ શકે છે. આવું કરવાથી તમે સુરક્ષા એજન્સીઓની નજરમાં આવી શકો છો.
- બાળ અપરાધ ખૂબ જ સંવેદનશીલ વિષય છે. તમારે ઇન્ટરનેટ ઉપર બાળ અપરાધ અથવા બાળ પુખ્ત સામગ્રીમાંથી કંઈપણ શોધવું જોઈએ નહીં. ઉલ્લેખનીય છે કે પોક્સો એકટ 2012 હેઠળ આ પ્રકારના વીડિયો બનાવવા કે જોવા કાયદાકીય ગુનાની શ્રેણીમાં આવે છે. તમને 7 વર્ષની જેલ થઈ શકે છે.
