IPL અને ભારતીય ટીમની મેચોના પ્રસારણ દ્વારા દર વર્ષે કરોડોની કમાણી કરનાર BCCIને મોટો ફટકો પડવાની દહેશત ઊભી થવા પામી છે. ભારતમાં રમાતી જુદી જુદી ડોમેસ્ટિક મેચોના ટેલિકાસ્ટને કારણે આ નુકસાન થવાની દહેશત સેવાઇ રહી છે.
સૌથી મોટો આંચકો આપનારી બાબત તરફ અંગુલિનિર્દેશ કરવામાં આવે તો સ્ટાર ઈન્ડિયાએ બીસીસીઆઈને બ્રોડકાસ્ટ ડ્રાફ્ટમાં 130 કરોડ રૂપિયાની છૂટ માંગી હોવાનું જાણવા મળે છે. એ જ રીતે, બાયજસ કે જે જર્સી સ્પોન્સરશિપથી બહાર છે, તે વર્તમાન કરાર હેઠળ બોર્ડ તેની રૂ. 140 કરોડની બેંક ગેરંટી પરત કરવા માંગે છે. સોમવારે બોલાવાયેલી BCCIના ટોચના અધિકારીની સર્વોચ્ચ કાઉન્સિલની આપાતકાલીન બેઠકમાં એક કલાકથી વધુ સમય સુધી બંને વિષયો પર ચર્ચા કરવામાં આવી હતી. આ વર્ચ્યુઅલ મીટિંગ દરમિયાન આવી પડેલા મુદ્દાઓ બાબતે વિસ્તૃત છણાવટ કરીને વિચારણા તથા ચર્ચા કરવામાં આવી હતી.
બાયજુએ જર્સી સ્પોન્સરશિપ સોદો નવેમ્બર 2023 સુધી લંબાવવા માટે ગત્ જૂનમાં જ કરાર કર્યો હતો. જેમાં આશરે ત્રણ અબજ રૂપિયા એટલે કે લગભગ $35 મિલિયન હતા. આમાં 140 કરોડ રૂપિયા BCCIને બેંક ગેરંટી દ્વારા ચૂકવવાના છે જ્યારે બાકીના 160 કરોડ રૂપિયા હપ્તા દ્વારા ચૂકવવામાં આવનાર હોવાનું જાણવા મળ્યું છે.
અંતર્ગત સૂત્ર તરફથી મળતી વિગતો અનુસાર આ મીટિંગમાં માત્ર બાયજુ અને સ્ટાર ઈન્ડિયાના મુદ્દાઓ પર ચર્ચા થઈ, જો કે તેમાં એક કલાકથી વધુ સમય લાગ્યો.
ફિફા વર્લ્ડ કપના પ્રાયોજકોમાંના એક બાયજસ હતા. તેણે માર્ચ સુધીમાં કંપનીને નફાકારક બનાવવા માટે પોતાના પાંચ ટકા કર્મચારીઓને છૂટા કરવાની જાહેરાત કરેલી છે. વધુ મળતી વિગતો ઉપરથી જાણવા મળ્યું હતું કે આ વર્ચ્યુઅલ બેઠકમાં, વર્તમાન ડીલમાં સ્ટાર દ્વારા લગભગ 130 કરોડ રૂપિયાનું ‘ડિસ્કાઉન્ટ’ માંગવામાં આવ્યું હોવાની ચર્ચા પણ સાંભળવા મળી હતી.
અત્રે એ ઉલ્લેખનીય છે કે, કોવિડ-19 રોગચાળાને કારણે કરારના સમયગાળાની કેટલીક મેચો રી – શેડ્યૂલ કરવી પડી હતી.
“આ મુદ્દા પર લાંબી ચર્ચા કરવામાં આવી હતી પરંતુ બોર્ડે હજુ અંતિમ નિર્ણય લેવાનો બાકી છે,” સૂત્રએ જણાવ્યું હતું. ટિપ્પણી માટે સ્ટાર ઈન્ડિયાનો સંપર્ક કરવામાં આવ્યો હતો પરંતુ તે પાછો આવ્યો ન હતો. આ ઉદ્યોગ સાથે સંકળાયેલા એક સૂત્રએ કહ્યું, “સ્ટારે બીસીસીઆઈને માત્ર એટલું જ કહ્યું છે કે બોર્ડે કરાર મુજબ રકમ લેવી જોઈએ.
જે મેચો 2020 માં રમાઈ શકી ન હતી અને 2022 માં આયોજિત કરવામાં આવી હતી, તે મેચો માટે 2020 ના દરે ચૂકવણી કરવી જોઈએ. આવી સ્થિતિમાં, સ્ટારે ‘મુક્તિ’ની માંગ કરી છે તેવું કહેવું સંપૂર્ણપણે ભ્રામક છે.
