વર્ષ 2023-24નું બજેટ 24 ફેબ્રુઆરીના રોજ વિધાનસભા ગૃહમાં રજૂ કરવામાં આવશે. આ સત્ર બજેટનું સત્ર હોવાથી બજેટ પર સામાન્ય ચર્ચા અને માંગણી ઉપર ચર્ચા તેમજ મતદાન માટે બેઠકો થશે.
રાજ્યમાં ૧૫ મી વિધાનસભાનું સત્ર 23 ફેબ્રુઆરીથી શરૂ થશે. 25 દિવસ ચાલનારા આ સત્રમાં સરકાર નાણાકીય વર્ષ 2023-2024નું બજેટ રજૂ કરશે. સરકારી વિધાયકો અંદાજપત્ર પર સામાન્ય ચર્ચા અને માંગણીઓ પર પણ વિધાનસભા ગૃહમાં ચર્ચા કરશે.
બંધારણના અનુચ્છેદ 176(1) મુજબ તારીખ 23 ફેબ્રુઆરીના રોજ રાજ્યપાલ વિધાનસભા ગૃહને સંબોધન કરશે. જે બાદ વિધાનસભા ગૃહમાં રાજ્યપાલના સંબોધનને લઈ આભાર પ્રસ્તાવ રજૂ થશે.
વર્ષ 2023-24નું બજેટ 24 ફેબ્રુઆરીના રોજ વિધાનસભા ગૃહમાં રજૂ કરવામાં આવશે. આ સત્ર બજેટનું સત્ર હોવાથી બજેટ પર સામાન્ય ચર્ચા અને માંગણી ઉપર ચર્ચા તેમજ મતદાન માટે બેઠકો થશે. વિધાનસભા ગૃહમાં રજૂ કરવામાં આવેલા બજેટ પર 16 બેઠકમાં ચર્ચા થશે. સત્ર દરમિયાન સરકારી વિધાયકો તેમજ સરકારી કામકાજ માટેની ચર્ચા માટે પાંચ બેઠકો રાખવામાં આવી છે. જે અંતર્ગત સરકારી વિધાયકો તેમજ સરકારી કામકાજના પ્રશ્નોની ચર્ચા કરશે.વિધાનસભા સત્ર દરમિયાન દિવસના પ્રથમ એક કલાક દરરોજ પ્રશ્નોત્તરી માટેનો રહેશે.
ગુજરાત વિધાનસભા 2023ની ચૂંટણીમાં ભાજપની ભવ્ય જીત થઇ છે. જે પછી ભાજપની નવી સરકારની રચના થઇ છે. ત્યારે 23 ફેબ્રુઆરીથી નવી સરકારનું નવું બજેટ મળવા જઇ રહ્યુ છે. જે માર્ચ મહિનાના અંત સુધી ચાલશે. 24 ફેબ્રુઆરીએ બજેટ રજૂ થઈ શકે છે. નાણાપ્રધાન બીજી વખત બજેટ રજૂ કરવાના છે. બજેટ સત્રમાં રાજ્યપાલના સંબોધન સંદર્ભે રચાશે તેના માટે સિનિયર પ્રધાનોની કમિટીની રચના કરવામાં આવી છે.
આ બજેટને ખૂબ જ મહત્વનું માનવામાં આવી રહ્યુ છે. કારણકે તાજેતરમાં જ ગુજરાત વિધાનસભાની ચૂંટણી યોજાઇ ગઇ છે અને આ નવી સરકારનું પ્રથમ બજેટ હશે.જો કે આ વખતે સ્થિતિ કઇક અલગ હશે. ત્યારે બજેટ માટે સરકાર દ્વારા તડામાર તૈયારીઓ ચાલી રહી છે.કેવું હશે આ વખતનું નવું બજેટ.
