ટાટા ગ્રૂપ ભારતમાં iphone production કરતા વિસ્ટ્રોન કોર્પોરેશનનો પ્રોડક્શન પ્લાન્ટ ટેકઓવર કરવા ની વાટાઘાટો ચાલી રહી છે અને આ સોદો અંદાજે માર્ચ મહિના ના અંત સુધીમાં પૂર્ણ થવાની શક્યતાઓ સેવાઈ રહી છે. જો આ સોદો થયો તો ભારત ચીનને સીધી ટક્કર આપવામાં આગેકૂચ કરશે.
ભારતનું ટાટા ગ્રૂપ હવે iphone production સ્વદેશમાં કરશે, ટાટા જૂથ દ્વારા વિસ્ટ્રોનનો મોબાઇલ પ્લાન્ટ ખરીદવાની વાટાઘાટો અંતિમ તબક્કામાં ચાલી રહી છે. હાલ ઓટોમોબાઈલથી માંડીને સોફ્ટવેર બનાવવા સુધીના બિઝનેસમાં અગ્રણી ટાટા ગ્રૂપ હવે મોબાઇલ મેન્યુફેક્ચરિંગ ના ક્ષેત્રમાં જંપલાવી રહ્યું છે. ટાટા ગ્રૂપે દક્ષિણ ભારતમાં સ્થિત વિસ્ટ્રોન કોર્પોરેશન કંપનીના પ્લાન્ટને ટેકઓવર કરવાની તૈયારી કરી લીધી છે, ટાટા ગ્રુપનો આ નિર્ણય તેને આગળ જતા ભારતનો પ્રથમ સ્વદેશી iphone મેન્યુફેક્ચર્સ બનાવશે.
મીડિયાના રિપોર્ટ અનુસાર ટાટા ગ્રૂપ તાઇવાનના વિસ્ટ્રોન કોર્પોરેશનના પ્લાન્ટને ટેકઓવર કરવા ઘણા મહિનાઓથી વાટાઘાટો કરી રહ્યુ છે અને આ સોદો કદાચ માર્ચ સુધીમાં પૂર્ણ તારે જશે. ટાટા ગ્રૂપ દ્વારા લગભગ 5,000 કરોડ રૂપિયામાં વિસ્ટ્રોન કોર્પોરેશનનો iphone manufacturing plant ખરીદવાની મંત્રણા છેલ્લા તબક્કામાં છે.
હવે ભારત ચીનને આપશે સીધી ટક્કર
જો આ સોદો સફળ થયો તો ભારત ચીનને સીધી ટક્કર આપશે. આઇફોન ઉપરાંત ઘણી કંપનીઓ હાલ ચીનમાં રહેલા તેમના પ્લાન્ટ અન્યત્ર સ્થળાંતર કરવા બીજા દેશો તરફ નજર દોડાવી રહી છે જેમાં ભારતનો પણ સમાવેશ થાય છે. તદુપરાંત ઘણી કંપનીઓએ ભારતમાં તેમનો પ્લાન્ટ સ્થાપવા ઉત્સુકતા દર્શાવી છે.
ભારત તેમજ ચીનમાં ફોક્સકોન અને વિસ્ટ્રોન જેવી મોટી મેન્યુફેક્ચરિંગ કંપનીઓ iPhone એસેમ્બલ કરી રહી છે. ખાસ આ ડીલને લઈને અંદાજિત બે મહિનાથી વાતચીત ચાલી રહી હતી.
ટાટા ગ્રૂપની પૂર્ણ માલિકીની પેટાકંપની ટાટા ઇલેક્ટ્રોનિક્સ પ્રાઇવેટ લિમિટેડ પણ પહેલેથી જ એપલ કંપનીના પ્રોડક્ટ્સ માટેના વિવિધ પાર્ટ્સનું મેન્યુફેક્ચરિંગનું કાર્ય કરી રહી છે. એક મીડિયા રિપોર્ટમાં જાણવા માંડ્યું છે કે જો આ સોદો થશે તો એ દેશમાં આઇફોનના પ્રોડક્શનની વિસ્ટ્રોનની ક્ષમતામાં લગભગ પાંચ ગણો વધારો કરી શકે છે.
ટાટા ગ્રૂપ ઘણા પહેલાથી જ સ્માર્ટફોનની સપ્લાય ચેઇનમાં પ્રવેશ કરી ચૂક્યું છે અને દક્ષિણ ભારતમાં iPhone ચેસીસના કમ્પોનન્ટનું ઉત્પાદન નું કાર્ય પણ કરી રહ્યું છે. ચાલુ મહિનાની શરૂઆતમાં જ, Apple માટે કોન્ટ્રાક્ટ મેન્યુફેક્ચરિંગ કંપની, Pegatron એ ભારતમાં નવા iPhone 14 એસેમ્બલ કરવાનું શરૂ કર્યું કરી દીધું છે.
માહિતી સુત્રોએ જણાવ્યુ છે કે, જો તાઇવાનની કંપની ચાલુ નાણાકીય વર્ષ માટે અપેક્ષિત પ્રોત્સાહનો મેળવવા માટેની આવશ્યકતાઓને પૂર્ણ કરે, તો તે ભારતમાં વિસ્ટ્રોનના એકમાત્ર આઇફોન મેન્યુફેક્ચરિંગ પ્લાન્ટને 60 કરોડ ડોલરની વેલ્યૂએશન આપી શકે છે. ઉપરાંતમાં આ અહેવાલ અંગે ટાટા ગ્રૂપના પ્રતિનિધિએ ટિપ્પણી કરવાનો ઇનકાર કર્યો હતો તો વિસ્ટ્રોન અને એપલે પણ આ મામલે કોઇ નિવેદન હજુ સુધી આપ્યું નથી.
